Question Answer Page # 1 :: Quran o Itrat Academy

Shatranj ke khel ki shuruaat mein pratyek khiladi kitne mohra ko niyantrit karta hai

Question & Answers

Press Enter to search

Topic: (3218 Questions)

Showing

0-

50 questions from

3218 questions on this page.

Information about Quiz & Win

Answers found for searched words

Id:

111132

Mujtahid:

Aayat-ul-Allah Sayyid Ali Hussaini Seestani

Print

Question:

Assalam alaikum Mera masla ye hai ki Nikah ke baare mein khayal aane se ab khauf aur darr sa mehsoos hota hai, bohat zyada shak hota hai aur aisa lagta hai nikah sahi hi nahi hoga yaani batil ho jayega ya fir Allah nikah ko qubool nahi karega aur agar nikah kar liya to iska gunah milega . Jab shehwani khayalaat aate hain tab bhi dil mein bohat zyada khauf mehsoos hota hai, isiliye maine socha ki kisi bhi dawa ke zariye jinsi shehwat ko khatam kar diya jaaye warna aage ye cheez bohat zyada pareshan karegi ?

Answer:

nikah rasool ki sunnat hai

or agar nikah na karne ki wajah sai insaan haraam mai mubtilaa hota hai tou nikah karna wajib hai.

nikah mai agar tamaam sharait moujood hon tou nikah durust hoga is k liye aap kisi aalim e deen sai rujoo karein.

(Ref:Tauzeeh ul masail ayatullah seestani edition 41 malsah no 2335, 2341).

[Updated on 22-Oct-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Id:

111086

Mujtahid:

Aayat-ul-Allah Sayyid Ali Hussaini Seestani

Print

Question:

Agr jazbat me kese chez par ap kalma par le ke ayse nhi hi our wo bat aye he ho tu es ka koi kafara hi?

Answer:

aisi qasam durust nahi hai lehaaza kaffara nahi hoga lekin jo aap ne jhoot bola hai wo gunah e kabeera hai lehaza us ki tauba aap par laazim hogi.(Ref:Tauzeeh ul masail ayatullah seestani edition 41 maslah no 2634).

[Updated on 20-Oct-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Video title:

Talaq shohar ka haq, Khula biwi ka haq kiya yeh sahi hai.

Maulana:

Ali Raza Mehdavi

Id:

111097

Mujtahid:

Sunni

Print

Question:

Sir.

Mara sawal ya hy k main api biwi ko apny hand ke finger sy farigh Kar Sakta hon. During sex

Answer:

Shohar aur biwi apnay badan k kisi bhi hissay ko doosray k badan k kisi bhi hissay se cho sakhtay hein laikin jism k hissay k alawa koe aur cheez sharamgaah main ehtiyaat ki bina per dakhil nahi ker saktay or shohar ka bivi ki sharamgaah main ungli daal ker mani nikaalna jaiz hay. (Ref: jaded faqhi masayl ayat ullaha sistani d b masla#406 pg#236)

[Updated on 20-Oct-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Id:

111070

Mujtahid:

Aayat-ul-Allah Sayyid Abul Qasim e Khoie

Print

Question:

Sir ye main apna dost ke lia poch rha hon us ke sath ye masla hoa hai us mangni ni hoi pr krna ja rha tha to bachpan main us ne us larki ki ghalat sun rakhi thi woh bat ye thi kh us ne us larki ke cason se sun rakha tha us ke casen ne kaha tha kh main ne bachpan main is ke sath ghalat kam kia hai woh cason bhi usi ki umer ka tha jab kisi tarah us larki se bat hoi our usa kaha kh ye bat main ne sun rakhi hai bachpan main ye sach hai agr tm jhoot bolo gi to main quran pe hath rakhwaon ga to us larki ne kaha kh han main 7 sal ki thi is se bari ni thi jab ye hoa tha mujha ye sab khab ki tarah yad a rha ham bacha tha mujha kuch samjh ni thi pr sex itna ziada bhi ni hoa tha bs chand second ka tha us ne mera sath zabrdasti ki thi ...kia woh daghdar hai islam ki ro se kia ye bara masla hai main us se mangni na karon ...mujha koi acha mashwara dan .baki us ne kaha kh is bat ke ilawa main quran pe hath rakhna ke lia tiar hon

Answer:

Is larki se nikah karna jaiz hay. is larki ko zaaniya nahi kaha jaey ga.(Ref:Ayat Ullah Seestani(d.b), Tauzee hul masail, maslah #2364).

[Updated on 20-Oct-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Id:

111073

Mujtahid:

Aayat-ul-Allah Sayyid Ali Hussaini Seestani

Print

Question:

Asalam-o-Alaikum!

Actually question ye hy ky, farz karta hon ky main kisi ghair mulk ki larki sy piyr krta hon aur ham dono nikah karna chahty hain tu kiya ham online video call ky through nikah kar sakty hain aur kiya ye jaiz ho ga in Islam?

Answer:

Walaikumussalam, Phone per nikha kiya jasakta hai, wo kunwari larki jo khud mukhtaar nah ho os ka apne ya dada ki ijazat k Bager nikah nahi hosakta, Is ke elawa nikah ke liye aur bhi shartain hain jese ke nikah men seege parhe jate hain, waghera. nikah k seegon ko jaanne ke liye kitaab Tozeeh ul masail ya kitaab tuhfaht ul Awaam main dekhiye.(Ref : Ayatullah Sistani(d.b), Tauzeehul masail, edition # 39th, maslah # 2335, 2341, 2342)

[Updated on 20-Oct-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Id:

111038

Mujtahid:

Aayat-ul-Allah Sayyid Ali Hussaini Seestani

Print

Question:

agar baap ne pori property beton k naam kardi or foat hogaya betian ko hissa nhn dia to kia beti ka hissa milega ya nhn

Answer:

Baap ne jo maal apni zindagi men apni aulaad ko de diya wo tohfa (gift) shumaar hota or jisko diya jaey wo us ka maalik ban jata hai, or us per meras k ahkaam nahi ate. (Ref : Ayat Ullah Seestani(d.b), Minhaajus Saliheen Part # 2, Mafhoom e Maslah #1320, Eidition 1417 hij).

[Updated on 19-Oct-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Id:

111041

Mujtahid:

Aayat-ul-Allah Sayyid Ali Hussaini Seestani

Print

Question:

Kuch logo main khandani ikhtilaf main walid apni aulad ko bedakhal kr dete han aur kuch waqiat main aulad walden se ikhtilaf rakhty huye apny ap ko us khandan se azad krwana chahty han, dono sortehal main Islam main iski ilajat k hawaly se bata den, k dini tor pe issy kesy dekha jata ha, islam main aisi gunjaish ha k walid aulad ko bedakhl kr de ya aulad waliden se alag hona chahty ho

Answer:

Aaq e walidain (yani walidain ka nafarman) or ye in dono (walidain) se burae se paish aana hota hay, kisi bhi andaaz se ke jo in dono ki bache per safqat se inkaar shumaar kia jaey. (Ref:Ayatullah sistani, Minhajus Saliheen, Part#1, Maslah#30, eidition 1439 ).

[Updated on 19-Oct-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Id:

111042

Mujtahid:

Aayat-ul-Allah Sayyid Ali Hussaini Seestani

Print

Question:

Salam mei ek ladki se shadi krna chahta hu aur mei usse pyaaar bhi krta hu lekin mei usse baat krna chahta hu kyon ki usse pechanna chahta hu achhi ldki hai bhi ya nhi to mei usse baat kr skta hu ki kaisi hai agr aachi niyat rkhti hai to mei nikaah kr skta hu??

Answer:

1: Kisi merd or aurat k liay na-mehram mard o aurat se doosti ya muhabbat kerna jaiz nahi hay. Haan aap faqat os k ghar nikah ka paighaam behjh sakte hain or dua ker sakte hain.(Ref: Nigah aur libas Mafhoom e sawal # 106, pg #69).

2: Isi tarah Na-mehram se aisi baatain ki jasakti hain jin ka natija kisi akhlaqi fasaad ki sorat me na nikal raha ho jab k koe aisi baat bhi nah ki ja rahi ho jis ka kise ajnabi k saath kiya jana munasib nahi hota .or agar gunah mai parhne ka khof ho agarcheh ahista ahista parhne ka hi khoof Q na ho baat karna jaiz nahi hay isi tarah gher akhlaqi or mazaq mai bhi warid hona jaiz nahi hai.(Ref : Mujtahid se pochay gaey sawalaat, part # 4, sawaal # 127, pg # 66), (Ref: book nigaah aur libaas, masla#20, pg#31) & (http://www.sistani.org/urdu/qa/01845/).

[Updated on 19-Oct-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Id:

111051

Mujtahid:

Aayat-ul-Allah Sayyid Ali Hussaini Seestani

Print

Question:

Salam, kya ek lrka lrki akely khud apna nikha parh skty bgair kisi tesrh gawah ki maujidgi mae. Aur kya yh nikah jaiz ho ga?

Answer:

w/salam, Yeh nikah durut nahin hoga q ke larki or larkay k razi honay k saath saath ghair khud mukhtaar kunwari larki k wali (baap ya dada) ki ijazat zaroori hai un ki ijazat k baghair nikah durust nahi hoga.(Ref:Tauzeeh ul masail ayatullah seestani edition 41 maslah #2341)

[Updated on 19-Oct-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Id:

111048

Mujtahid:

Aayat-ul-Allah Sayyid Abul Qasim e Khoie

Print

Question:

agar larka kisi larki ko shadi ka jhansa dy Kar us sy video sex karta hy or chorh deta hy to larka gunahgar ziada hy larki sy ya dono ka gunah ek jesa hy?

Answer:

Na mehram Mard ne shadi ka kaha ho ya na kaha ho, Mard ke liye Na mehram aurat ka jism dekhna aur isi terah in k baloo ko dekhna chahay lazzat k iraday sai ho ya is k baghair, aur chahay haram mai mubtila honay ka khof ho ya na ho haram hai. aur in k chehre per nigah daalna aur hatho ko kalayo tak dekhena agar lazat k irade se ho ya haram me mubtela hone ka khof ho to haram hai balke ehteyaate mustahab(is ehteyaat per amal karna wajib nahe hai) ye hai k lazzat k irade k beghair aur haram me mubtila hone ka khof nah ho tab bhi na dekhe. isi tarh aurat k liay na mehram mard k jism per nazar daalna lazzat k irade se aur haram me mubtila hone k sath haram hai balke ehtiyaat e wajib ki bina per lazzat ka irada aur haram me mubtila hone ka khof nah bhi ho tab bhi mard k badan per nigah nahi daalne chahiay. (Ref: Ayatullah Sistani(d.b), Tauzee hul masail, maslah # 2397).

[Updated on 19-Oct-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Id:

111050

Mujtahid:

Aayat-ul-Allah Sayyid Ali Hussaini Seestani

Print

Question:

Salam, kia shadi shuda aurat ka nikah pr nikah jaiz hai bgair phli talaq k?

Answer:

Shadi shuda aurat sai nikah karna haram hai.(Ref:Tauzeeh ul masail ayatullah seestani edition#maslah#2366, 2367).

[Updated on 19-Oct-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Id:

111053

Mujtahid:

Aayat-ul-Allah Sayyid Ali Hussaini Seestani

Print

Question:

Nikah pe nikah zyada bra gunah hai ya zina? Agr kisi shadi shuda aurat se muhbat ho jae to kya zina se bchny k lye us se nikah pr nikah kya ja skta hai?

Answer:

Jee nahin Shadi shuda aurat se nikah karna haram hai. Shadi shuda aurat sai agar koi zina karay tou ehtiyaate e wajib ki bina par wo zaani par hamesha k liay haraam ho jaati hai. aur Zina aik gunah e kabeera ha.(Ref: Ayatullah Sistani(d.b), Tauzeehul masail edition 39th, mafhoom e maslah #2366, 2367).

[Updated on 19-Oct-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Id:

111052

Mujtahid:

Aayat-ul-Allah Sayyid Ali Hussaini Seestani

Print

Question:

Aslam o alaiqum... Mera swal ye h k Kya bivi k poru jism ka bosa(chomna) ly skty h sar sy pao tk tamam parts k..

Answer:

Shohar aur biwi aik dosray k jism k kisi bhi hissay (parts of body) ko jism k kisi bhi hissay (part) say choo (touch) saktay hain ye choona chaahay lazzat k iraday say ho ya baghair lazzat ke iraday say ho dono soorton men jaiz hay.(Ref: Ayat ullah seestani d b minhaaj us saliheen part 3 maslah #11).

[Updated on 19-Oct-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Id:

111056

Mujtahid:

Aayat-ul-Allah Sayyid Ali Hussaini Seestani

Print

Question:

Men apne czn ko bht pasand krti hun or hmare walden bhi hmarey nikkah ke liye tayyar hain magar wu 1 saal baad hi kren gay or hm shadi se phle 1 baar milna bhi chahty hain kya hm mil skty haon agar hm koi galat kaam na kren or 3 dafa khud se qabool hai bhi bol kr mil len magar hm kuch galat nhi kren gay bs baaten kren gay kisi restaurant men jaa kr

Answer:

Faqat 3 dafa qubool hai kehne se nikah nahin hota aur na hi koi na mehram kisi ka mehram ban jata hai, lekin shadi se pehlay Na-mehram se aisi baatain ki jasakti hain jin ka natija kisi akhlaqi fasaad ki sorat me na nikal raha ho jab k koe aisi baat bhi nah ki ja rahi ho jis ka kise ajnabi k saath kiya jana munasib nahi hota .or agar gunah mai parhne ka khof ho agarcheh ahista ahista parhne ka hi khoof Q na ho baat karna jaiz nahi hay isi tarah gher akhlaqi or mazaq mai bhi warid hona jaiz nahi hai.(Ref : Mujtahid se pochay gaey sawalaat, part # 4, sawaal # 127, pg # 66), (Ref: book nigaah aur libaas, masla#20, pg#31) & (http://www.sistani.org/urdu/qa/01845/).

[Updated on 19-Oct-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Id:

111076

Mujtahid:

Aayat-ul-Allah Sayyid Ali Hussaini Seestani

Print

Question:

Agar shohar dosra nikka kary tu kia pehli bv k ilm m lana ye bat zaroori hai??

( Ijazat k bary m nae poucha sirf ilm m lana pehli bv k zaroori hai ya nae ye janna hai)

Answer:

Ijaazat ki zaroorat nahi hai.(Ref:Ayatullah sistani, Minhajus Saliheen, Part#3, Maslah#200, 202, eidition 1439).

[Updated on 19-Oct-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Id:

111058

Mujtahid:

Aayat-ul-Allah Sayyid Ali Hussaini Seestani

Print

Question:

Mai nay mannat mani thi k agr mera admission medical college mai ho jaye to mai hifz karungi ... mai nay medical test say aik din pehlay jazbaat mai akar ro kr Allah sa ye mannat mangi thi.. mai nay zaban sa mannat k alfaz ada nahi kiay thay... ab mera admission hogaya hai or hifz nahi ho pa raha mjh say to kia mai kaffara ada kr k 10 maskeeno ko khana khila skti hun ya hr hal mai mannat poori krni hogi?

Answer:

(Note: Aap ki mannat (nazar) saheeh nahih hai, Q ke aap ne jazbat me aakar beghair irade k mannat mani thi.)

Nazar (mannat) ki sharait yeh hain, 1: Nazar me seegha perhna zarore hai laikin seegha arbi me perhna zarore nahe balke kise bhi zabaan me parha jasakta hai maslan koi kehe k mera mareez seyatiyab ho gaya to allah k khatir mujh per lazim hai k me 10 rupee faqeer ko sadqa don to is ki nazar (mannat) sahi hai. agr nazar(mannat) sahi ho aur mukallaf jaan bojh kar is per amal na kare to gunahgar hai. ise chahiye k 10 faqeero ko pet bhar kar khana khilaye ya unhe libaas phenaay aur agar in amaal ko baja na lasakta ho to zarore hai 3 din musalsal roze rakhe.(Ref: Ayatullah Sistani(d.b), Tauzeehul masail edition 39th, maslah #2604, 2633)

2: Zarori hai k nazar (mannat) karne wala baligh aur aaqil ho, apne irade aur ikhteyaar k sath mannat mane lehaza jo jazbaat me aakar beghair irade k mannat mane to sahe nahe hai.(Ref: Ayatullah Sistani(d.b), Tauzeehul masail edition 39th, maslah #2605)

3: Insaan kise aise kaam ki nazar (mannat) karsakta hai jise anjaam dena is k lye mumkin ho. lehaza jo shaks pedal karbala na jasakta ho agar wo nazar mane k waha tak pedal jaay gha to is ki nazar sahe nahi hai, agar nazar karte waqt qudrat rakhta tha aur baad me aajiz hojaay to is ka mannat mana batil hai. (jab mannat sahi na ho to us ko pura karna zarori nahi hai) (Ref: Ayatullah Sistani(d.b), Tauzeehul masail edition 39th, maslah # 2610)

[Updated on 19-Oct-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Id:

111062

Mujtahid:

Aayat-ul-Allah Sayyid Ali Hussaini Seestani

Print

Question:

Aik bachy ki umar 20 din ha us sy bhari bhan ha jis ki umar 2 saal ha kia yah dono bachy apni maan ka dhoodh pi sakty hain

Answer:

Jee pilana jaiz hai, Lekin Mustahab hai k bache ko poore 21 mahine doodh pilaya jaey or 2 saal sai ziada doodh pilaana munasib nahi hai.(Ref:Ayat Ullah Seestani(d.b), Tauzee hul masael, Edition# 35, Mafhoom e Maslah #2454).

[Updated on 19-Oct-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Id:

111004

Mujtahid:

Aayat-ul-Allah Sayyid Ali Hussaini Seestani

Print

Question:

Mera sawal ye hai k agr shohar ne apne behn bhaiun ko dena ho to bht paise hte hain lekin agr yehi begum kahe k us ko zrorat hai ya us ka bhatija hoa ho us k lye kuch lena ho to un k pas paise nai hte or na hi us k ghar ae behn bhaiun k lye kuch hta hai kia ye insaf hai??

Answer:

Biwi ki ghiza, libaas, rihayish aur zindagi ki baaqi zaruriyaat ka intezaam shauhar par waajib hai. Agar wo yeh cheezein muhayya na kare to chahe un ke muhayya karne par qudrat rakhta ho ya na rakhta ho wo biwi ka maqrooz hay. Isi tarah aurat k huqooq mein se ek yeh hai keh mard use aziyat aur aazaar na pohanchaye aur kisi sharee wajah k baghair us k sath sakhti aur tursh ruyee se paesh na aay.(Ref: Aayat-ul-Allah Seestani (d.b), Tauzeehul masael, Edition# 39th, Mafhoom e Maslah, #2376), (Note: Shohar par Is ke elawa aur kuch wajib nahin hai baqi paisy wo us apne hain us ki marzi hai jis ko ziyada day ya km day

[Updated on 19-Oct-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Id:

111020

Mujtahid:

Aayat-ul-Allah Sayyid Ali Hussaini Seestani

Print

Question:

Agr ma kisi larki k sath nikah Karo too larki k ghr wly sath or larka k ghr wly sath na ho too esy nikah ho jty hai

Answer:

wo larki jo khud mukhtar nah ho os k nikah main os k wali (baap ya dada) ki ijaazat laazmi hai warna nikah durust nahi hoga.(Ref:Tauzeeh ul masail aaytullah seestani edition 41 maslah no 2341).

[Updated on 15-Oct-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Id:

111005

Mujtahid:

Aayat-ul-Allah Sayyid Ali Hussaini Seestani

Print

Question:

Aoa main aik khudmukhtar lrki hun mera apna karobar hy aur isi silsly main ghr walon sy alag rehti hun wrna koi narazgi wghera nahi apny sb faisly khud hi krti hun. Maim ny aur mery shohr ny khud hi apna nikah prha bagher gawahon k. Hm ny qasde insja kia phir haq mehr muqarrar kia aur us k bad arabic main seehy prhy usky bad ejab o qabool b arabic main kia hy. Jo tareeka nikah ka aur sharait agha sestani k fatwon main thi sahi us k mutabik lekin ghr abhi nahi btaya mery husband k ghr k halat theek nhi abhi isliay bad maim btany ka irada bhi hy. Kya hmmara nikah sahih hy.

Answer:

Jo larki khud mukhtar ho to wo ehtiyaat e wajib ki bina per yehi hukum hy k apny walid ya dada se ijazat lay. Lekin agar baap ya dada os merd k saath osay shaadi kernay ki ijzat nah daitay hon jo sharan (Ismlam ki nazar main) or urfan os k brabari (equal) ka ho tu ijazat ki zarorat nahi, isi terah baap ya dada ki maujood nah hon ya kisi doosri wajah say ijazat laina mumkin hi nah ho or lerki ka nikah kerna bohat zarori ho tab hi baap ya dada say ijazat layna laazmi nahi hay.(Ref:Ayat Ullah Seestani(d.b), Tauzee hul masail, maslah#2828 ki heading, 2341, 2342)

[Updated on 19-Oct-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Id:

111028

Mujtahid:

Aayat-ul-Allah Sayyid Ali Hussaini Seestani

Print

Question:

Agr nikaah ma larka k sath koi nhi ho just larki k ghr wly ho too nikah ho jty hai esy

Answer:

agar nikah ki tamaam sharait moujood hon jese larki k walid ki ijaazat ho wagaira....tou nikah durust hojaaye ga.(Ref:Tauzeeh ul masail ayatullah seestani edition 41 maslah no 2341, 2335).

[Updated on 15-Oct-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Id:

111012

Mujtahid:

Aayat-ul-Allah Sayyid Ali Hussaini Seestani

Print

Question:

Pardy ka hukam kis hijri me nazil howa?

Answer:

Parday ka hukm Maah e ziqaad 4 hijri main aaya.(Ref: http://hamariweb.com/articles/80577)

[Updated on 19-Oct-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Id:

110995

Mujtahid:

Ahel e sunnah

Print

Question:

Asslam o alikum! Mu bolay bhai jo mujy as teacher prhatay b hian un sy mamool ki bat cheet b hoti h m dill sy unko apna bhai smjti hun r wo b esa hi khety hian. Unko m ny apni pic snd ki thi Jo k hijab m thi but veil m nai kia es pr koi gunah to nai? quran o hades ki roshni sy rehnmai kr dyn please.

Answer:

Moonh se bhai kehnay se wo bhai (mehram) nahi ban jata balke wo na mehram hi rehta hai, Aur Na-mehram se aisi baatain ki jasakte hain jin ka natija kise akhlaqi fasaad ki sorat me na nikal raha ho jab k koe aisi baat bhi nah ki ja rahi ho jis ka kise ajnabi k saath kiya jana munasib nahi hota .or agar gunah mai parhne ka khof ho agarcheh ahista ahista parhne ka hi khoof Q na ho baat karna jaiz nahi hay isi tarah gher akhlaqi or mazaq mai bhi warid hona jaiz nahi hai. Aur usko apni hijab wali picture dikhana jaiz hai, lekin naked picture dikhana jaiz nahi hai.(Ref : Mujtahid se pochay gaey sawalaat, part # 4, sawaal # 127, pg # 66), (Ref: book nigaah aur libaas, masla#20, pg#31) & http://www.sistani.org/urdu/qa/01845/).

[Updated on 14-Oct-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Id:

111006

Mujtahid:

Aayat-ul-Allah Sayyid Ali Hussaini Seestani

Print

Question:

Aoa main aik khudmukhtar lrki hun mera apna karobar hy aur isi silsly main ghr walon sy alag rehti hun wrna koi narazgi wghera nahi apny sb faisly khud hi krti hun. Maim ny aur mery shohr ny khud hi apna nikah prha bagher gawahon k. Hm ny qasde insja kia phir haq mehr muqarrar kia aur us k bad arabic main seehy prhy usky bad ejab o qabool b arabic main kia hy. Jo tareeka nikah ka aur sharait agha sestani k fatwon main thi sahi us k mutabik lekin ghr abhi nahi btaya mery husband k ghr k halat theek nhi abhi isliay bad maim btany ka irada bhi hy. Kya hmmara nikah sahih hy.

Answer:

Jo larki khud mukhtar bhi ho usay bhi nikah k liye ehtiyaat e wajib ki bina par apne walid sai ijaazat lena laazmi hai warna nikah durust nahi hoga.(Ref:Tauzeeh ul masail ayatullah seestani edition 41 maslah no 2341).

[Updated on 14-Oct-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Id:

111010

Mujtahid:

Aayat-ul-Allah Sayyid Ali Hussaini Seestani

Print

Question:

Agr hambistri krty huay ghalti se khawand k muh mein dudh chla jae jis ka uc ko ilm nah ho tw kiya krna chahye ?

Answer:

Shohar biwi ki breast suck(choos) kar sakta hay laikin shohar biwi ki breast ko suck karey aur moohn mai doodh aa jae, to ehtiyat wajib ye hay k biwi ka doodh nah pia jay(Ref:Ayat Ullah Seestani(d.b), E-Mail from [email protected] .org)

[Updated on 14-Oct-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Id:

110997

Mujtahid:

Aayat-ul-Allah Sayyid Ali Hussaini Seestani

Print

Question:

AOA, Kiya haq mehar pura ada na karny sy biwi shohar k lie Haram hojati hai.

I mean to say k biwi k sath shohar humastri Kar sakta ya nahi.

Meri shahdi k waqat Meri biwi k haqmehar 10 hazar rupee our 7 tola gold the howa. Lekin m ny haq mehar m srif 10 hazar rupee our 3.5 tola gold dia.

Ab Kia Mera nikha tik ha.

Kia main biwi k sath jima( humastri) Kar sakta ho ya pehly muje Sara haq mehar pay karna hota.

Humari rukhsati ho chuki hh

Please rehnomai farmaye

Answer:

Agar daami nikah perhte waqt mehar dene k liye mudad moiyan na kiya jaay to aurat mehar lene se phele shoar ko jima karne se rook sakte hai. is baat se faraq nahe perhta k shoar mehar dene per qadir ho ya na ho. lekin agar wo aurat mehar lene se phele jima per razi ho aur shoar us se jima kare to baad me wo shariy waja k beghair shoar ko jima karne se nahe rook sakti.(Ref: Ayatullah Sistani(d.b), Tauzeehul masail edition 39th, maslah #2384)

[Updated on 14-Oct-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Id:

111013

Mujtahid:

Aayat-ul-Allah Sayyid Ali Hussaini Seestani

Print

Question:

Divorce k baad iddat itni hoti hai (iddat zaruri hoti hai ya nhi ?

Answer:

Talaq ki iddat : Jis larki ki umer puray 9 sal ho chuki ho aur jo aurat yaessa na ho, us ka sohar us se mujameat karey to agar wo use talaq de to zurari he k wo aurat talaq k bad iddat rakhey. Aur aisi aurat ki iddat (jis k do haiz ka darmiani fasla 3 mah(month) se kum ho) ye he jab is ka sohar use paki ki halat me talaq de (yaani jab wo periods main nah ho) tu jab os aurat ko talaq k baad teesra haiz (menses) aay tu oski iddat mukammal huti hay. Aur dosra nikah kar sakhti he. Lakin agar sohar aurat se mujameat karney se pahle (yani shadi to ki hai lekin hambistri nahin ki) use talaq de to us k lie koi iddat nahi he yani wo talaq k foran bad shadi kar sakhti he. (Ayatullah Sistani(d.b), Tauzee hul masail, maslah#2355, 2475 )

[Updated on 13-Oct-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Id:

111002

Mujtahid:

Aayat-ul-Allah Sayyid Ali Hussaini Seestani

Print

Question:

Kia larka ka aqaqa ma aik bakra ker sakta han

Answer:

jee kar sakte hai.(Ref:https://www.sistani.org/urdu/qa/01847/).

[Updated on 13-Oct-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Id:

110994

Mujtahid:

Aayat-ul-Allah Sayyid Ali Hussaini Seestani

Print

Question:

Assalam O Alikum, mera sawal ye hi k meri enagagment hochuki hai or maine or meri fiancee hum dono ne jis tarha nikkah parhai jati hai us hi tarha naam pukaar kar 3 3 martaba "Quboool hai Qubool hai Qubool hai" kaha hai to kya hamara nikkah hogaya ?

is bary main srf wo or main hi jaanty hain or wo meri mangetar hai

hamara shadi kuch hi months baad hai but hum ne pehle ek bar is tarha kiya hai to kya is tarha karne se hamara nikkah hogaya ??

Answer:

Fiqh e jafferia k nazdeek ye nikah durust nahi hai.(Ref:Tauzeeh ul masail ayatullah seestani edition 41 maslah no 2335).

[Updated on 14-Oct-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Id:

110967

Mujtahid:

Aayat-ul-Allah Sayyid Ali Hussaini Seestani

Print

Question:

Main ek bewah se shadi karna chahta hoon

Answer:

Jo aurat bewah ho jaaye us ki iddat mukammal hone k baad un sai nikah kia jaasakta hai q k wo na-mehram hay.(Ref:Tauzeeh ul masail aaytullah seestani edition 41, maslah#2349, 2481).

[Updated on 12-Oct-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Id:

110948

Mujtahid:

Aayat-ul-Allah Sayyid Ali Hussaini Seestani

Print

Question:

talaq ki iddat mukammal kiye bina dusra nikah jaiz hai?

Answer:

Jee nahi, jaiz nahi hai jab tak iddat mukammal nah ho doosra nikah nahi kia jaa sakta.(Ref:Tauzeeh ul masail ayatullah seestani edition 41 maslah no 2475).

[Updated on 12-Oct-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Id:

110955

Mujtahid:

Aayat-ul-Allah Sayyid Ali Hussaini Seestani

Print

Question:

As salaam o alikum. Ma boht pareshan hu mehrbani kr ky jadi jawab dain imamy zamana aap ko is ka ajar dain gy ma hamla hu or myry pehly 3 bachy hain lakin ma akyli gher ki hu myry husband ki maa b beemar hy unhy b dekhna hota hy or myry husband ki job b nahi hy kya is waja sy ky hmary pas rizq ki kaami ho or jab ma hamla hoti hu myri tbiat theek nahi rehti ma gher nahi sambhal sakti ma bacha zaya kar sakti hu.

Answer:

Hamal ka girana jaiz nahi hay magar ye keh is ka baaqi rakhna maan k liay sakhti or mushaqqat o haraj ka bais ho, is sorat main rooh aane se pehle siqt karne main keo haraj nahi hay. (Ref: https://www.sistani.org/urdu/qa/01789/).

[Updated on 10-Oct-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Id:

110935

Mujtahid:

Aayat-ul-Allah Sayyid Ali Hussaini Seestani

Print

Question:

Agar koi quran ki qasam khaye k mein cigrate nahi kharidon ga aur phir kharid le to is kasam k torne ka gunah aur kaffara kya ho ga.

Answer:

Ye qasam baatil hai Q k qasam apne ikhtiyaar sai allah k liye khaai jaati hai aur Quran ki qasam nahin khaai jaati, lehaza jo qasam jazbaat mai khaai jaaye wo durust nahi or is ka kaffara bhi nahi hoga lekin agar jhoot bola hai us ka gunah zaroor milay ga or is ki tauba laazim hai.(Ref:Tauzeeh ul masail ayatollah seestani edition 39 maslah # 2634)

[Updated on 12-Oct-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Id:

110936

Mujtahid:

Aayat-ul-Allah Sayyid Ali Hussaini Seestani

Print

Question:

mene aik larki k sath bohat bar sex kiya lekin meh usse shadi ni kar pa rha mere parents ni mante kiu k vo out of family ha. lekin vo larki roti hai k meri izzat rakh lo kya mujhpe wajib hai k meh us larki se shadi krlu?

Answer:

1) Ye zina kehlay ga, zina karna haram or gunahan e kabeera mai sai hay. Aur Shohar aur biwi k ilawa kisi aur tariqe se jinsi lazzat hasil karna jaiz nahi hai.(Ref: Minhaj us salaheen Ayat ullah sistani d.b. Part #1 masla # 30).

2) Agar koe shaks kisi aisi bay shohar aurat k sath zina kare jo iddat main nah ho to ehtiyat e wajib ki bina wo shaks is(aurat) k tauba kerne se pehle is se shadi nahi ker sakta.(Ref:Ayatullah Sistani(d.b), Tauzeehul masail 31th edition maslah #2364).

3) Shadi k liye larkay ko apne ghar walo sai ijazat lene ki zarorat nahi hai lekin kunwari larki ko apne wali yani (baap ya dada) sai ijaazat lena zaroori hai.(Ref:Tauzeeh ul masail ayatullah seestani edition 39 maslah #2341, 2342).

[Updated on 12-Oct-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Id:

110876

Mujtahid:

Aayat-ul-Allah Sayyid Ruhollah Khomeini

Print

Question:

Kia diwan y or majzoob ke saamny bepardagi mein jaya jaa sakta hai. ?

Answer:

Dewanay or ghair mumaiyiz bache parde k ahkam se kharij hain.(Ref:Ayatullah sistani, Minhajus Saliheen, Part#3, Maslah#25, eidition 1439).

[Updated on 09-Oct-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Id:

110790

Mujtahid:

Aayat-ul-Allah Sayyid Ali Hussaini Seestani

Print

Question:

Aoa.

Mehandi aur barat ki rasam ki islam me kia heaseyat he?

Answer:

Nikah or walima(khana khilana) mustahab amal hain. mehendi or baraat dunyavi rasam hain.(Ref:Ayatullah sistani, Minhajus Saliheen, Part#3, Maslah#3& 4, eidition 1439).

[Updated on 06-Oct-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Id:

110859

Mujtahid:

Aayat-ul-Allah Sayyid Ali Hussaini Seestani

Print

Question:

Assalamwalaikum

Please meri help karen Question:Kya mai bhanji se shadi kar sakta hun jo k meri khala zad behen ki beti hai jo meri bhanji hui kya usse nikah jayaz hai???

(Wo yatim hai aur uski maa ka b inteqaal hua hai)

Meri age 28 hai aur Khala zad bhanji ki 18age hai.

Shukriya

Answer:

Khala zad behn ki beti aap ki na-mehram hai lehaza un sai nikah kia jaa sakta hai.(Ref:Tauzeeh ul masail ayatullah seestani edition 41 maslah # 2349)

[Updated on 07-Oct-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Id:

110898

Mujtahid:

Aayat-ul-Allah Sayyid Ali Hussaini Seestani

Print

Question:

Kya bivi ki marzi se piche se sex krna jaiz he or Kya aesa krne se nikah par koe asar padega?

Answer:

Biwi k peechay(back) ke maqam(maqam e pakhana) main jimaa(intercourse) krna biwi k raazi na honay ki sorat men ethiyaat-e-wajib ki bina pr haram hai, agr biwi razi ho tu jaiz hay lekin shadeed makrooh hay).(Ref: Ayatullah Seestani(D.B) Al-masail e mutakhaba, maslah # 67).

Note: Is se nikah per koe asar nahi perta.

[Updated on 06-Oct-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Id:

110899

Mujtahid:

Aayat-ul-Allah Sayyid Ali Hussaini Seestani

Print

Question:

Mn life insurance policy k hawale se ap se puchna chahti hn k policy leskte hn aur usk kuch masail wagera hn tu please mjhe tafseel se byan krden

Shukriya

Answer:

1-Insurance company main job kerna jaiz hay or is kaam ki salary jaiz hay. (Ref:Ayat Ullah Seestani(d.b), Tauzee hul masael, Edition# 35, Mafhoom e Maslah #32-40, pg#454-5).

2-Insurance kerwana jaiz hay. (Ref:Ayat Ullah Seestani(d.b), Tauzee hul masael, Edition# 35, Mafhoom e Maslah #32-40, pg#454-5).

[Updated on 06-Oct-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Id:

110896

Mujtahid:

Aayat-ul-Allah Sayyid Ali Hussaini Seestani

Print

Question:

mia biwi video cal per sex kar sakty hai kiya

Answer:

Musht-zani (muth) haraam o guhnaah e kabeera hai. or bivi ke sath phone per sexy batain kar sakte hain laikin is baat ka khayaal rahe k is had tak baat nah ki jaey keh khud per kabo nah rahe or mushtzani karne per majboor ho jain). (Ref:Ayatullah sistani, Minhajus Saliheen, Part#1, Maslah#30, eidition 1430 ).

[Updated on 06-Oct-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Id:

110870

Mujtahid:

Aayat-ul-Allah Sayyid Ali Hussaini Seestani

Print

Question:

Agr galti se pichy k rasty sex ho jaye toh uska gunah toh ni? Foran husbnd ruk jaye k galati se hogya

Answer:

1)Biwi k peechay k maqam( yani maqam e pakhana) main hambistari kerna agar bivi raazi ho tu jaiz hay laikin shadeed makrooh hay, lekin bivi ke raazi nah honay ki sorat main ethiyaat e wajib ki bina per haram hay.(ref: Ayatullah Seestani(D.B) Al-masail e mutakhaba, maslah # 67).

[Updated on 06-Oct-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Id:

110864

Mujtahid:

Aayat-ul-Allah Sayyid Ali Hussaini Seestani

Print

Question:

Mera swal ye hai k nikah k time mehar main 3 tola sona likha geya or humbestri say pahle ada kar diya geya hai ek Sall bad halat asy ho gay k wo 3 tola or 1 tola Jo bivi lay k ai sale kar diya geya bivi ki marzi k sath un paso say karobar kia 4 Sall main wo b khatm ho gay or ab bat talaq tak ponch gai agar mard talaq day deta hai to bivi us apna haq mehar mang sakti hai ya mard ko adda karna pare ga pls bta dain

Answer:

Mahr ki adaegi tu hambistari se pehle ho gae thi laikin baad main sona baich kar jo raqam shohar ko udhaar ki niyat se di gae thi tu wo raqam shohor ko wapas karna wajib hay laikin agar raqam shohar ko tohfe ya imdaad k taur per di thi wo wapas karna shohar per wajib nahi hay.(Ref:Aayat-ul-Allah Seestani (d.b), Minhajus Saliheen, Edition# 1439, part#03, Mafhoom e Maslah #303)+(Ref:Aayat-ul-Allah Seestani (d.b), Minhajus Saliheen, Edition# 1439, part#02, Mafhoom e Maslah #1320+994).

[Updated on 06-Oct-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Id:

110818

Mujtahid:

Aayat-ul-Allah Sayyid Ali Hussaini Seestani

Print

Question:

bivi kay hamila honay ki sorat may shohar apni jinsi khwaish ya shehwat kesy pori kry?

Answer:

Aap apni Hamila biwi hambistri kar saktay hain., Mustahab hai k jab biwi hamila ho to jimma karnay sai pehlay wazoo kia jay. (Ref : Minhaj us salaheen Ayat ullah sistani d.b. part # 3 masla # 5).

Note: hamila hone ki sorat main bivi k pait per wazan nah daala jaey.

[Updated on 06-Oct-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Id:

110824

Mujtahid:

Aayat-ul-Allah Sayyid Ali Hussaini Seestani

Print

Question:

meri wifi ka hama nahi ho raha age mujh se 18 saal choti hai

Answer:

Aurat ki agli sharamgaah me hambistari karne se aurat hamila hoti hai. Lekin mard hambistari say farigh hone k baad aurat se aahistagi se alag ho jaey or aurat kuch dair tak chit laiti rahe, aur apni rano ko milaey rakhe takeh hamal therne main asani ho. (Ref: Islam or jinsiyaat, pg#151)

[Updated on 05-Oct-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Id:

110825

Mujtahid:

Aayat-ul-Allah Sayyid Ali Hussaini Seestani

Print

Question:

meri bv ko hamal nahi ho raha meri umer 37 saal hai or uski 17 sall

Answer:

Aurat ki agli sharamgaah me hambistari karne se aurat hamila hoti hai. Lekin mard hambistari say farigh hone k baad aurat se aahistagi se alag ho jaey or aurat kuch dair tak chit laiti rahe, aur apni rano ko milaey rakhe takeh hamal therne main asani ho. (Ref: Islam or jinsiyaat, pg#151)

[Updated on 05-Oct-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Id:

110829

Mujtahid:

Aayat-ul-Allah Sayyid Ali Hussaini Seestani

Print

Question:

Mere mmy ke apne bahan ke bete ke bete se nikha ho sakta hai matlab mere khala ke bete ke bete

Answer:

Jee han, wo na-mehram hai lehaza un sai nikah kia jaa sakta hai.(Ref:Tauzeeh ul masail ayatullah seestani edition 41 maslah no 2349)

[Updated on 05-Oct-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Id:

110845

Mujtahid:

Aayat-ul-Allah Sayyid Ali Hussaini Seestani

Print

Question:

Apne Walid k sagi fuffi k bete se nikah zayaz hai ?

Answer:

Baap ki phuphi ka beta na-mehram hai lehaza un sai nikah kia jaa sakta hai.(Ref:Tauzeeh ul masail ayatullah seestani edition 41 maslah no 2349)

[Updated on 05-Oct-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Id:

110835

Mujtahid:

Aayat-ul-Allah Sayyid Ali Hussaini Seestani

Print

Question:

Kya dunyawi pyar mn dhoka deny ki sza islam mn hai? ...mein pehly ek lrky sy relation mn thi pr us ny jb mj sy pyar k chkr mn bht glt kam krwa liye or mny b krdiye pr zina nh ki phr mujhy jb ehsas hua k mny gunah kiya hai tw us lrky sy b nfrat hgyi or khud sy bhi or mry andr hr time ab isi shrmndgi ka ehsas rhta hai k ek tw mny islam mn hdd ko cross kr k gunah kiya dsra us lrky ka dill b torr diya tw ab plz mujhy mafi ka tareeka btaye

Answer:

1)Jins e mukhalif sai is had tak dosti karna k mohabbat ki had tak pounch jay, ye jaiz nahi hai q k ghunnah mai mubtila honay ka khof mojoud hay.

2)Na-mehram sai baat krna agar lazzat aur haram mai mubtila honay k khof k bagair ho to koi haraj nahi. (Ref : Nigah aur libas sawal # 106, 84 pg # 69, 59).

3)Toba karen Parwar digar ne quran me wadah kiya he k wo toba karne walon ki toba ko qabool karta he aur aysa hargiz nahi ho sakhta he k wo apne wadeh per amal na karey. Aur gunah se bachne k liye mazboot irada chahiye. Allah har waqt apne bande ko maaf kerne ko tayyaar hay agar banda sachay dil se sharmindagi k sath maafi maangay.(Ref : sistani.org ques # 1, toba), (Ref :Mafhoom e http://www.sistani.org/urdu/qa/01766/)

[Updated on 05-Oct-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Id:

110844

Mujtahid:

Aayat-ul-Allah Sayyid Ruhollah Khomeini

Print

Question:

meri age 48 saal hai meri wife ki age 42 saal hai humari shadi ko 24 saal ho gaey hain humari koi aulad nhi hai hum ny aik larki ko lay kr pala hua hai tb wo 4 month ki thi ab us ki age 19 saal hai ab meri wife chahti hai k main us larki say shadi kr loon ( wo mujhy papa keh kr bulati hai aur main usay beti ) wo larki bhi nikah k liay tyar hai kya islam main yeh shadi jaiz ho gi ? plz detail main bta dain thank you

Answer:

Wo larki aap ki Na-mehram hai Aap us se shadi kar saktay hain. (Ref: Ayatullah sistani d.b, Minhajus saliheen, part#3, maslah#90-93)

[Updated on 05-Oct-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Id:

110817

Mujtahid:

Aayat-ul-Allah Sayyid Ali Hussaini Seestani

Print

Question:

Ky bina shadi larka larki me touches kissing vagaira jaez hai jabki ham shadi nh karne wale

Answer:

Jee nahi nikah sai pehle wo aap ki na mehram hai lehaaza ye tamaam cheezein jaiz nahi hain.(Ref:Tauzeeh ul masail ayatullah seestani edition 41 pg no 357).

[Updated on 03-Oct-2020 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Popular posts